Tue. Oct 4th, 2022

ගොවීන්ට වගා කිරීමට අවශ්‍ය පහසුකම් ලබා දුන්නා  නම් ඉතිහාසයේ වැඩිම වී අස්වැන්න ලබාගත හැකි කන්න දෙක පසුගිය මහ කන්නයත් මෙම යල කන්නයත් වනු ඇතැයි කෘෂිකර්ම වන ජීවි හා වන සංරක්ෂණ අමාත්‍ය මහින්ද අමරවීර මහතා අමාත්‍යංශයේ වැඩ බාර ගනිමින් අද පැවසීය.

දැන් ලංකාවට අවශ්‍ය සහල් සහ වෙනත් ආහාර අනිවාර්යෙන්ම පිටරටින් ආනයනය කරන්නට සිදුවන බවද අමාත්‍යවරයා සඳහන් කළේය.

මෙරට සහල් හිඟයක් ඇතිවීම වළක්වා ගැනීමට නම් සහල් මෙට්‍රික් ටොන් ලක්ෂ අටක අවශ්‍යතාවය පැන නැගී තිබෙන බව කී අමාත්‍යවරයා  පසුගිය මහ කන්නයේ මෙන් මෙවර යල කන්නයේ අසාර්ථක වුවහොත් දැවැන්ත ආහාර හිඟයකට මුහුණ පාන්නට සිදුවන බවද සඳහන් කළේය.

බත්තරමුල්ල ගොවිජන මන්දිරයේ පිහිටි කෘෂිකර්ම අමාත්‍යංශයේ වැඩ අරඹමින් මහින්ද අමරවීර මහතා මේ බව සඳහන් කළේය.